隱形的翅膀

[夢飛翔] 導演 尤若愚 和 高少敏

3月2日在高山劇場將會有一場 原創舞台劇 [夢飛翔] 的演出，[夢飛翔] 是家燕媽媽藝術中心與觀塘社區中心合作的另一個原創舞台劇，打從2009年第一次開會已經有意思讓我參演一個角色，雖然我熱愛在台上的聚光燈，但我一直希望把機會留給其他熱愛舞台的人…直至早前編舞老師廖美燕邀請我為她排練的其中一隊成員唱歌，而這首歌是 [隱形的翅膀]，當我翻開劇本…當編劇趙嘉文為我講解劇中這隊表演成員的劇情後，卽使我知道工作繁忙，綵排時間有限，但我卻非常願意地答應了。

這首歌是一部電影的主題曲，[隱形的翅膀] 是導演馮振志自編自導的第一部故事片。最初是為雙臂殘疾女學生自強不息的真實事跡所感動，而引發創作的沖動。導演及其夫人趙慧利女士用兩年的心血編寫劇本，並傾盡家裡所有積蓄拍攝本片，他們的執著感動了殘聯的中國領導和朋友王萌和安珍等。在大家的熱心幫助下，該片終於完成。影片展現的是斷臂姑娘在難以忍受的磨難面前 並沒有退縮，而是以遠超常人毅力和堅強的意志獲得了成功，該片表現出人類挑戰自身生命極限的主題，謳歌人類頑強而美麗的人性，引起觀眾強烈的共鳴。

而 [隱形的翅膀] 在 [夢飛翔] 劇中的角色是一群使用輪椅者及一位失明人士

他們的心聲是：我希望我可以………….
當然，他們可以！

他們雖然改變不了四肢殘障的事實，但他們憑著身旁的朋友、家人支持他們努力突破身體障礙，終於可以展翅翺翔！

我們都有夢想，如果可以為他人實現夢想，你的夢想將會更寬更遠，願我們化作別人隱形的翅膀，飛向希望……………

隱形的翅膀

每一次 都在徘徊孤單中堅強

每一次 就算很受傷 也不閃淚光

我知道 我一直有雙隱形的翅膀

帶我飛 飛過絕望



＊不去想 他們擁有美麗的太陽

我看見 每天的夕陽 也會有變化

我知道 我一直有雙隱形的翅膀

帶我飛 給我希望



我終於 看到 所有夢想都開花

追逐的年輕 歌聲多嘹亮



我終於 翱翔 用心凝望不害怕

哪裡會有風 就飛多遠吧



隱形的翅膀 讓夢恆久比天長

留一個願望 讓自己想像

我的 [夢想成真] 導演原創兒童音樂舞台劇

不久前剛剛完成導演一個原創兒童音樂舞台劇，這是我們和觀塘 IVE學生合作的一個作品，也是我首次導演的一個兒童劇，但其實這個作品是一個課程，由我們的導師先與學生做練習，我再接手去執行，由於同學己經對劇本有基本的認知，所以在期後的排練和製作上，對一個新任導演的我並不是太難，但因為同學們大部份未嘗試真正舞台劇那種與觀眾卽時互動的感覺，所以我還是担着很大的壓力，希望演出時能順順利利，皇天不負！我們辛苦了2個多月的排練，將每星期唯一的星期六和星期日，都全心全意地排舞、練歌、記走位、念對白、終於在12月19和20號完美結束。

這次的經驗過程雖然辛苦但對於第一次能夠有份參與的導演夢，我感覺非常榮幸，而且也算是不負所望，亦覺得非常開心！Yeah!

我和春天有個約會

電視劇 * 鏡花緣傳奇

我在ATV的日子，有幸被外借參予一部台灣製作龐大的電視劇 " 鏡花緣傳奇 " ，說製作龐大其一是演員眾多，而且粒粒鉅星，單是演員費，己是一筆可觀的費用。劇情因為涉及天庭、宮廷的外景，服裝、道具花費免不了。由於製作人孔權開先生是服裝出身，所以每一件戲服，都用上名貴或稀有布料，尤其是汪明荃(武則天)，還有我(女兒國國王)，因為角色身份，我們的戲服必須是特別名貴，汪明荃的戲服及頭套，動不動是以幾多十萬去計，以她身份、地位加上武則天的角色，固然無可厚非。但我的國王服也花了幾萬元，對於一個身邊環繞着明星群的小女子，我真的受寵若驚，每次穿換衣服時，我與服裝人員都必定小心翼翼，一放飯或有空檔總會9.9秒換下，以免弄壞了！如果拍攝中途要去洗手間，便一定要助手幫，9.9除衫，9.9跑去洗手間，9.9著衫，所以衹要我有需要，全廠都會知道，hey，又係吸煙、下午茶時間呢喂！此劇拍攝製作認真，頭一集在天庭，花仙舞動，各仙齊來向王母娘娘祝壽，衹是花仙也拍了4天。40集便花了幾乎半年的時間，但最想像不到的，是後期製作，單是持技便用上一年時間，而且持技製作組己經是與我們同步開工，導演拍好片，作了初步剪接，便派人帶片返香港的工作室，每星期如此。剛才提到鉅星，不如同大家介紹下。
劇中武則天由香港著名藝人汪明荃飾演，有香港無線“鎮台之寶”之稱的汪阿姐戲味十足，在劇中盡顯母儀天下的風範氣度；而阿姐的現實戀人羅家英也爲該劇跨刀演出。一貫以搞笑面目出現的“獎門人”曾志偉則傾力演出見多識廣的多九公。曾獲金馬獎最佳男主角的姜大衛飾演唐敖。除了有演藝常青樹坐陣外，多位演藝新秀，包括已故名嘴黃霑的女兒黃宇詩、藝人李司祺的女兒葉子菁、在劇中扮相清新脫俗，表演出彩亮眼。除此之外，觀衆所熟悉喜愛的演員，如于莉、顧冠忠、焦姣、于榮光、濮存昕、陳靖允、商天娥、劉以達在劇中也和衆主角飆戲連連，擦出火花。台前明星濟濟，幕後班底也是臥虎藏龍。由香港影視名人孔權開擔任監製，范秀明擔任導演，武術指導蘇沅峰、香港電影特技大師丁遠大負責電腦特技。
劇中與我對手是搞笑的劉以達，他總是在我們凝做浪漫氣氛時，做出一Ｄ出人意表的表情或對白，這是一個在鏡頭前忍笑的好訓練，連志偉和姜大衛都 頂佢唔順 呀!!!

Dancer Dream 舞蹈夢圓

中學期己被送到美國讀書，所以被訓練到非常獨立！

生活中日常運作，學習模式，我完全自主！

在無壓力下，我考上大學，C.S.L.B. 加州大學

我 選了 Performing Act- Dance！

一種唔會賺到錢嘅行業！

嗲吔媽咪居然由得我？

YES!!! 佢得真係好民主！佢地從來冇提醒我...

女呀！Dancer 揾唔到野做架噃？

尢其係喺美國，我又唔夠人地高，亞洲 女 dancer 會有幾多 job？

不過我鍾意，所以我就去讀！好熱愛去讀！

我每日上 不同的舞蹈班 芭蕾舞 /Modern /Jazz /學 編舞

每日總共 上 3-4堂 舞蹈班 總共跳 6-8小時，熱愛程度到 冇其他野在眼內！我嘅腳經常因為和地面磨擦，所以總是受傷，腳底板裂縫多多，但我們都用大力膠紙貼上幾圈便繼續跳！

努力和專心是步上成功之路的第一步！我的努力和熱愛沒有白費，我自己 編舞 自舞的 solo dance

( 穿籃衫的照片 ) 在芸芸眾學生中考獲當年的獎學金，並成為第一位獲得該獎學金的亞洲學生！

今日，我肥左又老左！hehe...不過我 好享受 好懷念 當日那種學習態度！

好多謝 爹吔媽咪 可以俾我自主！

好感恩我可以有個好幸福嘅環境下，俾我做自己想做嘅！

我也當然明白 Dancer 真係賺唔到錢！但係 人 一定要有 PASSION ！

You Must Have A Dream To Keep You Going！！！

I Hope You Do.......

2007 copyright 陳靖允 陳迪華 Siana

我要做俠女

" 仙鶴神針 " 出品人: ATV 亞洲電視 監制: 蕭笙

陳靖允 飾演 雲蘿公主

作為一個演員，可以有好多嘅不同角色扮演，每一個角色都可能有唔同嘅性格，唔同嘅背景，怎之係唔同嘅年代！我自己最鍾意嘅係拍古裝，因為古裝嘅造型、頭飾、服裝都好靚，而且古裝真係超越現實生活，我諗我自己如果唔係一個演員，會着起呢Ｄ服裝嘅機會係極之低！
拍古裝劇集，我最偏愛係古裝武俠片，我要做俠女！
可能因為我識跳舞，所以我一入 ATV ，電視台好快就派我拍古裝武俠片，第一部叫 '金鳳凰 '，講五姊妹嘅故事，我做四妹 紫鳳，劇中仲有三家姐 葉玉卿，五妹 阮瓊丹。
我知道劇中有武打鏡頭，雖然未拍過，我已經開じ到死！！！( 無經驗！都未拍過？都唔知自已己做セ咁開じ？ )
第一日開工知道今日有得打！嘩！好野！
我諗其他人都唔知我點解 未打己經興奮，其實我都解釋唔到架？！
可能係細個係 China Town 睇 Jacky Chan！
可能係 睇 邵氏出品 嗰Ｄ 武俠片 多得滯卦！一個字
型！
開工，武指話 " 你等陣要 吊威也！"
ok...釣威也？セ野話？咩威也吖？
" 卽係將你吊高上天，係空中打囉！不過你放じ，有替身！你作個勢跳起、落地，其他Ｄ動作我地搞，你上車休息啦！"
吓...咁好玩 唔俾我玩？唔制呀，我唔上車休息，你地教我吖...please please please！
我求左好多次，武術指導先至俾我試咋！
原因係 如果我唔識.............咁我會好容易受傷..
原因係 如果我唔識........................拍出嚟根本好難睇..
原因係 如果我唔識...................................會阻住大家收工呀！！！
好彩我有舞蹈底，所有喺動作方面都算快上手，喺空中都識得攞 balance 平衡！
唔會點阻大家收工.....
咁...
咁我咪有得拍武俠劇，有得做俠女啦！！！
yea！！！

2007 copyright 陳靖允 /陳迪華 / siana

Wantna Be A STAR

" 鏡花緣傳奇 " 出品人: 孔權開

陳靖允 飾演 女兒國國王 查蓬

Being an actress, you always being seen 24/7 no matter you are ready or not. So beside working I like to stay at home as much as I can . Some time I can stay as long as a week , order in and just lay around doing nothing...yes...nothing!!!

I do that all the time in fact I love to watch my movie , TV show or DVD .......

......and do my day dreaming!

We actress do like to hide our self .Behide those sun glasses is the best way that we do it , come on ! we need to be our self every once in a while. No full make up....well , we must have some on , OK , may be lipstick , but with our dark circle around those tried eyes , how can we let you see us in that condition???

NO WAY...said my manager

Alright!!!

Let's put on that huge sunglass！

And we have to dress nice!!All the time..........

Alway dress like a Movie Star！

(I AM ...AM I ？)

Wear Something not cheap!!!

We will die if some normal housewife has the same dress that we have or worse ...!!

that we just wear and that photo had printed in the news entertainment this week.

To make sure that'll never never happened...We must go around to find some thing cheap but nobody will ever will find them .

You see...that is a price we must pay to be an actress...

And hopefully we will make it...............

not to be a SUPERSTAR

Just for making enough money to pay our rent...........

ha..ha..may be something nice to wear.la.???

2007 copyright陳靖允/ 陳迪華 / siana

咁？我化唔化呀？

大家睇雜誌呀，週刋呀，成日都有記者影到Ｄ演員藝人冇化粧個樣，平時有Ｄ手下留情嘅，就話'清新脫俗'，'天生麗質' 嘅字眼 ，如果咁唔好彩，嗰個編輯じ情唔好再加十萬個客觀環境因素，佢落筆寫嘅時候就會用 '嚇死街彷' 呢Ｄ驚嚇字眼！或者喺一大堆相度，唔知點解佢就係鍾意揀一張你半開半閉眼，寧舍樣衰嘅一張嚟登，配合佢Ｄ字眼，咁你重唔係樣衰？？

咁有陣時我地真係唔想化粧架，但因為平時日化夜化，仲要長時間用粉蓋住塊臉，到休息唔駛開工，真係唔想再用化品啦！不過係我地捱得多通宵拍劇，Ｄ黑眼圈一定唔少得！唔夠瞓咪皮膚又黃又乾！出多Ｄ外景曬下係人都出雀班啦！

好啦我地想俾皮膚休息下，唔化....................一日咁多吖....！

點知我地一出街，就俾人見到......................唉！

如果唔化戴個大黑太陽眼鏡...又話我扮野......

咁...........？繼續化..............等Ｄ皮膚冇得休息.........................咪又死！
報導會直接間接地幫我地提高咗知名度，等本來唔識我地嘅觀眾都會喺呢兩日認識我地！
雖然過幾日大家可能都會唔記得，不過祇要我地俾心機，繼續樣衰，咁都仲有機會架！希望在明天呀嘛！
不過返到屋企，連阿媽都問我...
"阿女，你做セ咁樣衰呀，真喺失禮架嘛！"
...........................................uh！

2007 copyright 陳靖允 /陳迪華 /siana

女演員_化粧前後

女演員嘅化粧前後，有時又真係好似 變臉 架！
記得有一次我地朝早05通告化粧，我化化下有一個女仔行入化粧間，同我呀同我地Ｄ化粧師、梳頭(古裝)師父打招呼，然後係化粧間角落坐低，當時我唔知佢係邊個，但係人地同我打招呼咁我禮貌上都 say 個 hello 嘛！
跟住過咗一個鐘，我化好粧梳完頭，劇務己經準備集合演員出發，嗰日都好多演員，所以化粧間好熱鬧，其間劇務大聲問 ' 有冇見到xxx？' 'xxx返嚟未？'
大家都答'冇見到'，'唔覺喎' ，終於到我地好多人都化好梳好頭，去餐廳食早餐等出發啦，等下等又過咗一個鐘，大家都開始好唔耐煩，劇務好忙咁穿梭化粧間、服裝間，都話揾xxx唔到，但係xxx又留咗台話佢喺公司噃，正當大家都好奇怪嘅時候，xxx突然喺餐廳出現，咦！見佢身上件衫，咪就係今朝同大家打招呼嗰個？但係點解唔同咗樣嘅？
我係話 '完全' 兩個樣咁喎？
有Ｄ男同事己經好激氣要等咁耐咪多口問佢，你話你好早返嚟架？做セ劇務打鑼揾你又唔應，化粧化2個幾鐘你化乜野呀？( 其實個心都唔係好信今朝見嗰個真係而家眼前呢個 )
xxx : 係呀，05通告嘛！今朝你地見到我架，你地有同我講早晨架？(佢一面誠意喎，唔似講大話吖 )
( 暗地大家其實都唔知嗰個係佢 )
咁做セ劇務猛揾你，你都唔應人呀？
xxx : 咁你聴到劇務揾我，你又唔話佢聴？
(咦，再講落去，好似係我地唔啱喎？)
從呢件事之後，醒目嘅 PA 發通告前會多口問多句 : ' 請問x姐你化粧要化幾耐？'
事件當時成為ATV化粧間經典，大家仲去分折一個人塊臉如果要化2個鐘，咁打底粉用15分鐘、做陰影用15分、胭脂15分、上乾粉定型15分，咁1個鐘做晒基本粧，下一個鐘就用15分去劃眉、每一隻眼用15分，最後祇係剩番15分去塗唇膏，老實講，其實真係好趕，要每一步都唔好錯，如果唔係2個鐘點夠化一個粧呀？
xxx真係好專業，化個粧出嚟仲要完全唔同自己個樣，呢下先至係掂吖嘛！我地真係唔識野！

嘻..你係咪好想知呢個化左2個鐘頭，由冇變有嘅女演員係邊位呢？

2007 copyright陳靖允 / 陳迪華 / siana