2010年2月17日星期三

熱誠和認真

今日同一位參演舞台劇 [夢飛翔] 嘅演員傾計,知道佢好鍾意唱歌,做音樂,交談之間,知道佢對音樂好有認識,由 jazz 、blue、pop再講到去黑人音樂,發覺佢好感性,對音樂好有 passion,雖然我第一次同佢傾計 (係喺 Facebook度傾啫,嚴格D嚟講,未算真係傾),但我真係感覺到佢對音樂嘅熱愛,佢話今次 [夢飛翔] 係佢第一次演戲,不過其實我係較早期時就有留意到佢,如果係第一次演,咁佢都好自然,至於點解我會留意到佢,係因為佢好有準備,每一次………. 無論係之前比賽、甄選、至最近嘅練習,佢都記好台詞,記熟舞步,背好歌詞,所以我印象中記得佢,對一個演員,呢一樣非常重要,因為佢俾人一個將演戲當認真嘅印象,我地從來無正式介紹過或者打過招呼,我只係見到有呢一個人,所以嚴格D嚟講,我地未算真係相識,令我今日會願意向前踏多一步,讓我係 Facebook中回應確認 add 佢 (我唔係個個都 add 架^^),再肯同佢傾計,進一步了解佢,全因為佢俾我一個認真嘅感覺!
作為一個演員,如果你唔能夠令人相信你對演藝事業嘅熱誠同認真,你同業內人根本沒有相同語言,如果你冇 passion,唔認真,業內人亦唔會當你認真,重要嘅角色一定唔敢起用你,因為…………唔係玩架!