熱誠和認真

今日同一位參演舞台劇 [夢飛翔] 嘅演員傾計，知道佢好鍾意唱歌，做音樂，交談之間，知道佢對音樂好有認識，由 jazz 、blue、pop再講到去黑人音樂，發覺佢好感性，對音樂好有 passion，雖然我第一次同佢傾計 (係喺 Facebook度傾啫，嚴格Ｄ嚟講，未算真係傾)，但我真係感覺到佢對音樂嘅熱愛，佢話今次 [夢飛翔] 係佢第一次演戲，不過其實我係較早期時就有留意到佢，如果係第一次演，咁佢都好自然，至於點解我會留意到佢，係因為佢好有準備，每一次………. 無論係之前比賽、甄選、至最近嘅練習，佢都記好台詞，記熟舞步，背好歌詞，所以我印象中記得佢，對一個演員，呢一樣非常重要，因為佢俾人一個將演戲當認真嘅印象，我地從來無正式介紹過或者打過招呼，我只係見到有呢一個人，所以嚴格Ｄ嚟講，我地未算真係相識，令我今日會願意向前踏多一步，讓我係 Facebook中回應確認 add 佢 (我唔係個個都 add 架^^)，再肯同佢傾計，進一步了解佢，全因為佢俾我一個認真嘅感覺！
作為一個演員，如果你唔能夠令人相信你對演藝事業嘅熱誠同認真，你同業內人根本沒有相同語言，如果你冇 passion，唔認真，業內人亦唔會當你認真，重要嘅角色一定唔敢起用你，因為…………唔係玩架！

細說獨角獸

眾所周知，能成為一位演員，她/他 的感官必定比一般人來得細微，感情必定豐富，對事對物的觸覺也異常敏感。
記得我小時候，每當看完一部電影，當爸爸媽媽拖着我手，漫步回家え際，我便已能背誦剛看完電影內其中一幕的對白，整段回家路程上，我自言自語，幻變自己成為電影中人，接着的日子裏，我完全將自己代入角色中，將整部電影所有劇情，分為不同段落去將え生活，過着白日夢的世界，悠悠自得其樂！這是我形容為" living with my unicorn 獨角獸的天空 "。
雖然如此，但我卻從來沒想過要當演員，我祇是不愛上課讀書，所以當被老師挑選參加了 舞蹈組 的時候，可以走堂去排舞是我最大的目的！其後可以因為是 獨舞者 為學校贏取多次 校際冠軍 而順利升班，那是我最大的獎勵！

小學初中在我印象中，總是排舞、比賽..............
吓...我真係冇セ正式讀過書喎！
旣然演員感情豐富，當一大班同類走在一起，而且在那幾個月內天昏地暗地拍攝，每天早午晚，大小三餐，無論是電影、電視、MTV、任何形式嘅相處 24/7 時候，演員與演員え間，少不免會產生微妙的火花，假若大家在戲中有感情線，更難免會對角色戲假情真，戲中大家互稱 honey！honey！老公仔！老婆仔！日久生情，叫慣左え後，會否將這點火花伸延在現實生活中，還是立卽清醒抽離？便得看每個人的多種因素，看大家的緣和份！
基於演員感情豐富本質，我親眼目睹的因緣有很多，無論最後有冇結果，我極え相信那一刻雙方都付出了真じ！
霧水 One Night Stand 的更加無數，對與否我沒意見，祇要雙方明白遊戲規則，外人無權發言！
我自己也試過在拍劇時太過投入，當時演的是 " 皇家警察-風え歌 "，一個為情自殺的歌星。從接到劇本到拍攝，那段日子總是心情低落，極度難過，除了每天在廠拍攝要進入角色外，平日不用拍攝的時候都提不起勁！
終於，有一場要拍我用刀片割脈自殺，由於是近鏡，所以道具用上了真刀片，導演和工作人員都仔細吩咐，要我小じ，但當鏡頭 rolling ...那一刻我在鏡頭前，我真的割了下去.....輕輕的泛出了血..眼淚不住地流
所有人嚇怕了..他們立卽 cut 機
他們在我耳邊呱呱叫....
化粧師馬上為我止血....其實割得衹是很淺..很淺
也一點都不痛..卻足夠令人驚じ動魄！
道具大哥嚇到死命拿着那真刀片，え後再開拍衹肯給我假的刀片去拍其餘的場口去！
跟住的日子，人人對我多番旁敲側擊，總以為我發生怎麽事！
真的...我真的祇是太入戲，太投入角色！
演員若能投入角色，在 戲中 必定演得出色！(我唔係話自己呀)
在戲外....是禍是福？

獨角獸的天空以外....是否可以生存？
2007 copyright 陳靖允/陳迪華/siana